ابلكيشن دليفرى الرهوان للتوصيل فى طنطا
دليفرى الرهوان للتوصيل فى طنطا هو أول ابلكيشن دليفرى فى طنطا تقريباً ربما. شعارنا سلم واستلم , هتطلبنا مره ومش هتطلبنا التانيه - لدينا خبره واسعه وضيقه فى تطفيش الزباين. لو طالبين أكل ابقوا خلوا عندكم دم وافتكروا الطيارين بأى لقمه وشفطتين شاى - دول غلابه وطالعين يشتغلوا على لحم بطنهم علشان يوفروا. وخلى بالك ان البنزين على الزبون - يعنى جهز جركن بنزين ولما يجى الدليفرى اديله كوباية بنزين علشان المكنه واتوصى. لا نقوم بالتوصيل للداخليه او النيابه والقضاء لإن معظم الطيارين سوابق وعليهم أحكام وهيتقبض عليهم من اول توصيله , دليفرى الرهوان للتوصيل فى طنطا - أول ابلكيشن دليفرى فى طنطا بلدنا بلد أفراح
تفاصيل الابلكيشن :
مقدمه قديمه متقدمه مقدماً :
كلنا عارفين ان الناس بقوا مأنتخين وبروطات وعلى رجليهم نقش الحنه وبقوا بيكسلوا ينزلوا يجيبوا طلباتهم وعاوزين حد يتمشور لهم ويوصل لهم كل حاجه , واهو يبقى رزق الدليفرى , أنتختكم خير لينا.
طريقة العمل :
- انت هتتنيل على عينك وهتجهز الأوردر وتكلفته فى جرنان ولا كيسه سودا على دماغك
- وهتدخل على الابلكيشن ولا الموقع وتقدم طلب توصيل بس متنساش الدمغات وطابع بوسطه وخرطة بسطه وشاندوتش جبنه
- الطيار الفاضى هيتكرم ويتنازل ويجى لحد بيتك ولا الخرابه اللى انت متنيل عايش فيها ويخبط ويرزع على الباب لحد ما تفتحله
- هتسلمه الأوردر وهيلطشك قلم وده وصل الاستلام
- هياخد الأوردر وينزل الشارع ويجرى على السكك وبلاد تشيله وعزب تحطه ونجوع تمخمضه لحد ما يوصل للموكوس اللى هيستلم النصيبه
- هيلطش المستلم قلم بضهر ايده زى الخدامين وده وصل التسليم
- اللى شارى الأوردر هيدفع مصاريف التوصيل ولو رفض يدفع او رفض يستلم الأوردر , الطيار هيغزه , طالما طلبت حاجه يبقى تدفع, احنا مش شغالين عند اللى جابوكم
- لو عندك اى شكوى متتصلش بخدمة العملاء وتقرفنا معاك احنا مش فاضيين لكم جاتكوا القرف ناس هم
طرق الدفع :
ما فائدتها ؟
معرفش, بس لو انت لقيت لها فايده ابقى قول قبل ما تفطر فول.
شارك الأبليكشن على الزوشيال ميديا :
تعليقات
إرسال تعليق